Ibilbidearen Deskribapena
Deskribapena
IBILBIDEAREN DESKRIBAPENA
IRAUPEN LUZEKO BIBE TRANSBIZKAIA izango da Bizkaiko iraupen luzeko lehen proba, Jesus Loroño Klasiko Zikloturista antolatzeari utzi ziotenez geroztik. Iraupen luzeko proba horrek Bilbainaren Txirrindularitza Elkarteak 1992 eta 2003 bitartean antolatu zuen proba ekartzen digu gogora. Izan ere, ibilaldi epikoa izan zen hura, estatuko handienetakoen eta gogorrenetakoen artean kokatu zena. Ibilbidea Jesus Loroño txirrindularia, 50eko hamarkadako euskal kirolari mitikoetako bat, omentzeko prestatu zen.
Aurtengoan, BIBEk ibilbide hura ekarri digu gogora, partaideek egutegi zikloturistako probarik indartsuenetako bat bizi dezaten: IRAUPEN LUZEKO BIBE TRANSBIZKAIA.
Zeharkatuko dituen 8 mendateak bilduta, 3.900 metroko desnibel positiboa metatuko du 178 kilometrotan. Prestakuntza fisiko handiko partaideentzako ezaugarriak dira.
Irteera Durangoko “Landako Gunean” izango da, eta Urkiolako Santutegian egongo da amaiera. Talde antolatzaileak zentzuz jokatzeko eskatzen die interesdunei, erronka gogor horri heldu aurretik euren prestakuntza-maila ondo azter dezaten.
Profila
Profila
8 mendateak zeharkatzea izango da txirrindularien erronka nagusia.
Probaren profilak agerian uzten du ibilaldiaren gogortasuna. Kategoria guztietako 8 mendate tartekatzen dira ibilbidean:
– Kanpazar (457 metro)
– Ixua (545 metro)
– Milloi (175 metro)
– Astorkigane (230 metro)
– Sollube (684 metro)
– Gerekiz (181 metro)
– Montecalvo (388 metro)
– Urkiola (713 metro)
Mapa
Mapa
BIBEk Jesus Loroño proba zikloturistiko mitikoa dakar gogora, 2016ko egutegiko ibilbiderik gogorrenetako bat eskaintzeko: 179 km-ko ibilbidea, 3.900 metroko desnibel metatuarekin. 8 mendateei esker, partaideek erronka polita izango dute aurrean; prestakuntza fisiko egokia dutenen eskura soilik.